Dagný Sif Sigurbjörnsdóttir hefur starfað við lögfræðiráðgjöf í yfir 10 ár, eða frá árinu 2016. Hún hefur víðtæka reynslu af lögmannsstörfum, málarekstri og hagsmunagæslu fyrir einstaklinga, fyrirtæki og opinbera aðila.

Dagný lauk BA-prófi í lögfræði frá Háskóla Íslands árið 2016 og mag. jur. prófi í lögfræði frá sama skóla árið 2018. Hún öðlaðist málflutningsréttindi fyrir héraðsdómstólum árið 2019.

Hún hefur öðlast umfangsmikla sérþekkingu á stjórnsýslurétti og sveitarstjórnarstiginu í störfum sínum sem lögmaður, bæjarfulltrúi og formaður bæjarráðs Hveragerðisbæjar, og ýmist sem stjórnarmaður eða fulltrúi í ýmsum samstarfsverkefnum sveitarfélaga á Suðurlandi. Í yfir áratug hefur hún komið að lögfræðiráðgjöf, málarekstri, samningagerð og verkefnastýringu fyrir fjölmörg sveitarfélög, byggðasamlög og önnur samstarfsverkefni sveitarfélaga, meðal annars er lúta að:

• - Umbótum á stjórnskipuriti, regluverki og verkferlum.
• - Umfangsmiklum uppbyggingar- og þróunarverkefnum.
• - Skipulags- og byggingarmálum. Sérstök þekking og reynsla m.a. á sviði virkjanaframkvæmda og samningagerðar og málarekstrar vegna eignauppkaupa og eignarnámsferlis.
• - Velferðar- og barnaverndarþjónustu.

Dagný hefur einnig viðamikla reynslu á sviði eignaréttar, meðal annars í þjóðlendu- og landamerkjamálum. Árið 2015 var hún meðhöfundur kennslurits í nábýlisrétti ásamt Helga Áss Grétarssyni o.fl. Ritið var meðal annars notað við kennslu í Eignarétti í lagadeild Háskóla Íslands og í námi til löggildingar fasteignasala. Dagný gegndi jafnframt störfum aðstoðarkennara í eignarétti við lagadeild Háskóla Íslands árið 2016.

Hún hefur að auki umfangsmikla reynslu af rekstri slysabótamála, þar sem hún hefur gætt hagsmuna einstaklinga gagnvart tryggingafélögum og öðrum bótaskyldum aðilum í yfir áratug.

Í störfum sínum hefur hún einnig öðlast víðtæka reynslu og þekkingu á sviði refsiréttar, fjölskyldu- og erfðaréttar, skiptaréttar og fasteignakauparéttar o.fl.